المساعد الشخصي الرقمي

مشاهدة النسخة كاملة : مُنوعاتـ حامد زيد

عاشقـ القمرــة
01-06-09, 11:55 AM
السلام عليكم..


حبيت تشاااركوني ببعض اشعار شاعري المفضل..حامد زيد..



السفينه

ضاقت وساع الفيافي والوعد متن السفينة
للطريق اللي دعاني بعد امان الله وامانه
لاتنادني وصوني قلبك الله لايهينه
لا يراهن في رجوعي لجل مايخسر رهانة
ليه ماارحل عن غرامك بعد ماذقت الغبينة
اذكري لي شيءواحد يستحق اقعد عشانه
قلب ماحن الوصالي ماني بحاجه حنينه
واشهد انه مايعزا بالرفيع الاهوانه
الهوا الغدار حدالله مابيني وبينه
والرجل خير فيه ان حفظ قدره وصانه
واحد مثلي اليامنه حدته عوجه سنينه
ماشكى لأقرب ابن ادم لوهو اغلى من اخوانه
يوم قلبي ماعصاك وماقدرتي تذبحيه
ليه خنتي فيه وانتي معه من نفس الديانه
كان ذبحي بيدك ارحم لي من اللي تفعلينه
وان طلبتك تذبحيني ماذبحتيني لعانه
كل جرح من جروحي تذكرينه تنكرينه
كن مالك من نزيفه يد خانت بالامانه
ينزف الخافق تواضع لين لطختي جبينه
والانا ماكنت ابيها توصل الحد الاهانه
قلت من باب الميانه صاحبك وتعذبينه
لعنبوك ارخي معاي شوي ماصارت ميانه
طعت عقلك يوم قيل ان العقل في البنت زينه
لاكن الشرهه الكنت احسبنك تكانه
من بعد ماكنتي انتي في حشاي اغلى سجينه
بوعدك بطلق سراحك واتهمني بالادانه
وين رايح؟ لاي درب مايرجع للمدينه
ليه رايح؟ لان قلبك ماترك قلبي وشانه
كيف ابنسى ؟ربي اللي ملهم القلب السكينه
مثل ماعانه بقربك لانوى فرقاك عانه
كان قاسي يجرح اطراف السكاكين السبينه
مايطيح وبنت مثلك حبها هزت كيانه
والانا خابر خفوقي مايمد الاالثمينه
وان بقى يغيض الثريا قعد القمر وزانه
مزعل لجلك هنوف رجت عقوول رزينه
وان تهادت بالطريق الجرهدي تزهر جنانه
جادل كن الجمال اقبالها كتف يدينه
والقمر لوشاورته ينزح وتقعد مكانه
كانت اول من تحكم في فرووع الياسمينه
وان تعدته انتثنى خيزرانه خيزرانه
بعتها لجلك وصارت لصغر اطرافك رهينه
والاهي لفته هدبها تغمرك ثقل ورزانه
والخفوق اللي تغذى من معزهوالدينه
مشكلته انه تعلق في زمن ماهو زمانه
كل مازادت جرامه واكتشف غلطه حنينه
صدقيه ان قال مابه شخص يستاهل حنانه
يوم نادى يافلانه مارضيتي تسمعينه
لين صوت يافلانه يافلانه يافلانه
كنت اشوفك زعفرانه تقرض الورد وتدينه
يمكن اني ماقطفتك بس اشوفك زعفرانه
كنت اهاب البعد عنك واطلبك لاتذكرينه
كان خوفي من الفراق وخطوه الفرقا جبانه
مااقتنعت ان الخيانه للرجل تلوي يمينه
لين ربي بعثك وذقت من طعم الخيانه
اسمحيلي مابقى فيني مكان تطعنينه
واقبلي من جوف قلبي كل عطفه وامتنانه
والله والله في عذابك بتركك عينك بعينه
دللليه ومايردك من شفاك الالسانه
والاانا قررت اسافر وامتطي ظهر السفينه
لن مابه ش واحد يستحق اقعد عشانه


لي عودهـ بتكملة بااااقي أشعااارهـ

برب

عاشقـ القمرــة
عاشقـ القمرــة
02-06-09, 02:29 PM
الـــحــــلـــــم


بوقت من البطا،وبليل تتراقص iiشياطينه ii
بعد شفت الضيا ينزع من ثياب المسا iiثلثين

تحايلت المنام اللي مثل بيتك iiتمرينه ii
وانا اللي من تفارقنا وأنا ماغمضت لي iiعين

غريبة!!كل حلم يمر برقادي تزورينه ii
والاغرب كيف أحلم الحلم،وارجع واحلمه iiبعدين؟

قبل يومين،شفتك بالمنام..وقمت من iiحينه! i
ونمت أمس،ورجع نفس المنام اللي قبل يومين

أنا اللي قبل اسافر شلت قلبي من iiشرايينه ii
تركته في يدك الأمانه ،واحفظيها iiزين

ترى حفظ الأمانه دين..مجبورة iiتردينه ii
أجل ، مافيه أحد قال لك(حفظ الأمانة iiدين)؟!

مرد المقفي بيلفي..ويستوفي ،وتوفينه ii
بعد ليله ،ثلاثه،أربعه،عشره،شه ر، iiشهرين

إذا انتي ،ماانتي بقد الكلام اللي iiتقولينه ii
حرام..استامنك حاجة،وإذا جيت اطلبك iiتنسين

تخونين،وتبين أرضى.!وأحد يرضى iiتخونينه! ii
أنا لاجيت أخونك، مع حبيبة iiثانيه،ترضين.؟

من أول مارجعت من السفر ماشفت لك iiبينه؟ ii
وأنا اللي كنت أحسبك قبل ادوس ارض المطار..تجين

تكونين أنتي أول شخص عيني تحتضن iiعينه ii
وكنت أتخيلك من زود فرحة iiرجعتي..تبكين

وأشوف بدمعتك حكيك..وأعرفه قبل iiتحكينه ii
واجيب أحلى من اللي بتحكينه،وأتركك iiتحكين

تقولين:الوطن نور..وأقول iiبنورمضوينه ii
تقولي لي:غديت أحلى،وأقول:عيونك الحلوين

كلام نام بشفاهك..وخفتي iiلاتصحينه ii
ذخرتيه لغرام للي ينام...ويترك تصحين

تغانمتي غيابي..لين رجحتي iiموازينه ii
تعلم من يدك لمس الكفوف وعلمك iiتجفين

وليتك لاقيه به شي..فيني iiماتلاقينه! ii
مهو بغرور..لكن خابرك مالك أمل iiتلقين

تغافلك بغلا..والإ الحلا مهو بمن iiزينه!! ii
تزينه الصور ..بس الصحيح ابن الحلال iiزوين

وأنا ماني بنقاص عنه يوم أنك iiتبدينه ii
نصيبي..هو نصيبي لو يسددها من iiالصوبين

قنوع بمظهري ،والسم مايذبح iiثعابينه ii
على قول المثل ماني حلو..لكني ماني iiشين

إذا أهداك الزهر مره،فأنا اهديتك iiبساتينه ii
وإذا ألهاك بفرح ليله، فانا تهت لبكاك سنين

وإذا استضعفتك أملاكه...وشتتك iiملايينه ii
أنا حتى فتات الخبزة أقسمها معك iiنصين

طموحي ،بس أجي وأظفر بشي iiتستحقينه ii
تدينته ،تسلفته،سرقته ،مومهم iiمنين؟

كأني من كثر ماارضى بكل اللي تمنينه ii
لو انك تطلبين الله ..يعنيني، بقول iiآمين

أنا ماالعب على الحبلين،وقت الطيش iiوسنينه ii
تبين الحين يوم أني كبرت العب على iiالحبلين؟

ترى عند البدو بالذات عيب اللي iiتسوينه ii
حلاتك لاعشقتي..تعشقيني ليوم iiالدين

غرامٍ نسكن ضلوعه..حشيمه من iiمجانينه ii
جفا،يجمع معزتنا...ولاعشق يذل iiأثنين

كثار اللي تحدوني وقالولي ii:تحبينه ii
امانه ...لاتخليني صغير بعينهم iiتكفين

لاني كل iiماقالوا(تخون)..اقو ل:مسكينه ii
عليك الله وأمانه..علميهم منهو iiالمسكين

أنا خايف لياطاح الجمل تكثر iiسكاكينه ii
وأنا ماعاد بضلوعي مكان لطعنة iiالسكين

مثل ماقالواالمكتوب واضح من iiعناوينه
لو ارحل منك للغربه بسافر من ظلامك iiوين؟

كفايه..كل حلم يمر برقادي iiتزورينه ii
كفاية..من تفارقنا..وأنا ماغمضت لي عين

قبل يومين شفتك بالمنام وقمت من iiحينه ii
ونمت أمس،ورجع نفس المنام اللي قبل يومين
,,,
,,,
برب
,,,
عاشقـ القمرــة
عاشقـ القمرــة
02-06-09, 02:33 PM
الجــمـــهــــرهـ


إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره


,,,

,,,

بــربـ

,,,

عاشقـ القمرــة
راما الفيصل
11-06-09, 02:01 AM
لهذا المتصفح تشد الرحاااال وتبقى طويلاً متأمله :in_love::in_love::i n_love:


عشيق أبددددددددددددعتي ذائقة أكثر من مميزة :36_2_68[1]:


لاهنتي يالغاليه :in_love:
عاشقـ القمرــة
25-06-09, 04:18 PM
رمروما حبية قلبي نورتي,,

........,,,,,,,..... .


صح النوم



تعودنا على حمل الجمايل والزعل واللوم
ولا نرفض عتب غالي ولا نزعل من جداله


تمنينا حوز اغلى مكانه في وجيه القوم
ونعيش الخوه بوقت يضد رجاله رجاله


تعلمنا من الدنيا وزدنا للعلوم اعلوم
وسقنا للدروب قلوب رجليه وخياله


وقفنا للزمن وقفة شجاعه والقروم قروم
الين ان صار واحدنا بديل اقواله افعاله


الى منه خذا ياخذ مثل ماياخذ المحروم
والي منه عطا يعطي ولو من لقمة اعياله


ولا بتنا ولو باتت رحايلنا بدون عزوم
نساوم للفخر بارضه ولو بأي من اشكاله


ولا عفنا ولو شفنا على باب النهار سموم
ولا خفنا ولو طفنا بمخراجه ومدخاله


واذا شفنا عناقيد العنب فوق الشجر ملموم
نهز غصون عنقوده واذا ماطاح نرقا له


نصبر بعضنا بالكذب الابيض والهدف معدوم
ونقول انا وصلنا له لو انا ما وصلنا له


وانا واحد من اصغرهم طموح وللطموح رسوم
على وجهي مثل قوله بغى شي ولا ناله


عطيت ولا رضيت اخذ من سلوم البخيل سلوم
ولا عمري رضيت اقعد على قلب العرب عاله


ولا ارضى بالفخر فزعه وجواسيس وكلام رخوم
ولا عمري حنيت الوجه بعد المجد لحثاله


غناي الله وانا رجل عزيز مقدر محشوم
قنوع بالقدر وان قلت فال الله ولا فالك


بسيط يرمي حموله على متن الجبال هموم
بوقت الاسف عيت تطيق همومه جباله


بوقت نزل خشوم ورفع من رداه خشوم
وخلي قيمة الرجال بين الناس برياله


صحيت وقلت للنايم بعد ماقام صح النوم
زمانك ماعطاك إلا صور وحطام تمثاله


سنين اطالع البارق وقول ان المطر محتوم
وهو ما مد لي كفه وانا ما طلت هماله


أرد اكذب على نفسي واقول ان النخل مفطوم
وهو ما بالنخل عذقي عطش ماذاق شلاله


وانا مابي من البارق هماليل ومطر وغيوم
ولو ذقت العطش بعيون طرقية ورحاله


تعلمت الصبر من كنت طفلي بالمهد مزموم
إلين ان صرت رجل لا أنتخوا به طوح اعقاله


وانا ما احلف بعد عمر طويل بدفنتة المرحوم
بقول الله ولا غير الله الرحمن نلجاله


ومثل ما بالمطر خوه الي من اهل كوم وكوم
انا قلبي بعد يقدر يدك البيد بلحاله


واذا اسمي واصل الدنيا قبل لا القى الحياه بيوم
ابتكرها وانا اسمي يضرب التاريخ بامثاله


واذا ربعي وهم ربعي تناسوا حقي المهضوم
بعيش اشره على قلبي قبل ارثي على حاله


واذا كفي طعن كفي برأس الخنجر المسموم
بعرف ان النصيب اقرب من الرجال لظلاله


مدام ان الزمن خلا الشجاع بوقتنا مهزوم
اجل خلو ضعيف النفس يقصر شرة اشواله




,,,
,,,
برب
,,,
عاشقـ القمرــة
عاشقـ القمرــة
25-06-09, 04:24 PM
الأم



قصيدتي زاد بعيوني جمالها
واخذت أنقي بالمعاني جزالها


واكتب معانيها من الشوق والغلا
لأمي وأنا اصغر شاعر ٍمن عيالها



كتبتها في غربتي يوم رحلتي
لما طرالي بالسفر ماطرالها


امي وانا بوصف لها زود حبها
وان ماحكيت لها قصيدي حكالها


امي لها بالقلب والجوف منزله
مكانة ماكل محبوب نالها


اقرب من ظلالي وانا وسط غربتي
وانا تراي اقرب لها من ظلالها


ماشافت اعيوني من الناس غيرها
ولا خلق رب الخلايق مثالها


اغلا بشر في جملة الناس كلهم
واكرم من ايدين المزون وهمالها


اتبع رضاها ورتجي زود قربها
واللي طلبته من حياتي وصالها


الصدق مرساها والاشواق بحرها
والعطف واحساس الغلا راس مالها


اهيم فيها وابتسم يوم قلبها
يسأل وانا قلبي يجاوب سؤالها


وان اطلبتني شي فزيت مندفع
اموت أنا واحمل تعبها بدالها


واصبر على الدنيا والاحزان والتعب
واحمل على متني فطاحل جبالها


واسهر اعذب راحة القلب بالشقا
واعيش اعاني بس يرتاح بالها


تربية ابوي اللي على الطيب بذكرة
اللي وهبني الحياه ومجالها


نور لي ادروبي وانا طفل مبتدي
حتى تركني واحد من رجالها


الوالدين اولى بالاحسان لجلهم
وأولى بتكريم النفوس وعدلها


اقولها وانا على الله متكل
والله عليم بقدرتي واحتمالها


ياكلمة اغلى من الناس كلهم
ياشمس بقلبي بعيد زوالها


يافرحة تملي لي الكون باكمله
ياشجرة تكبر ويكبر ظلالها


تضحك لي الدنيا ليا شفت زولها
مثل السما تزها بطلة هلالها


والبعد عنها ياهل العرف ماقدره
لاشك ناري زايدة بشتعالها


ماعيش ببلاد ولاهيب بأرضاها
ولابي عيوني كان ماهي قبالها


أرض ٍ تدوس امي بالاقدام رملها
اموت فيها واندفن في رمالها




,,,

,,,

بــربـ

,,,

عاشقـ القمرــة
عاشقـ القمرــة
25-06-09, 04:34 PM
***** ابو العشق

,,,

***** أبو العشق دام العشق دلّعها
لاصارت البنت تامرنا وتنهينا

تجزم على الراي والكلمه وتقطعها
وحنا الرياجيل لارحنا ولا جينا
,,,,,,,,,,,,,,,,
,,,,,,,,,,,,,,,,
مدري اذا لها تكمله ولا لا دورتها كثير,,
الي يعرفـ تكملتها لايبخل علي*_^

,,,
,,,
برب
,,,
عاشقـ القمرــة
عاشقـ القمرــة
05-07-09, 10:48 AM
اربع خناجر


مشكله لا جات حاجتك بيدين البخيل
مايفكك لين تدفع كثر مايدفعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

ومشكله لا ضاق بالوقت رجال ٍ ثقيل
يطلب احبابه وعيا زمانه ينفعه

ليت ربي مايحاسب خليلً من خليل
دام مال للحظ فزعه وللوجه اقنعه

ودام مال العذل تالي ومابالحيل حيل
الغلا سـم ٍ نذوقه ومر ٍ نجرعــه

نحتري فيه القا والحصيل هو الحصيل
مثل حلم ٍ ماتحقق وعيت اقطعـه

كني اللي حط بشفاه من جمر المليل
لا قدر يرميه للناس وزرا يبلعه

والظروف اللي حدتني لنيران وفتيل
عرضت دمع المحاجر لشيٍٍ يجزعه

والمدامع بالغلا لا تحال ولا تحيل
والمشاكل كل ماجات جات مجمعه

اعذلوني عن هوى النفس وعيوني تخيل
في حبيب ٍ ماتركته ولازلت اتبعه

مغرم في حب مثله ولا ارضى له بديل
عيني تشوفه وقلبي يجوع ويشبعه

ذاك كل مازان بالي وطالعت النخيل
ماذكرت الا ثباته بوقت الزعزعه

ماهو الاقطعة من حشا قلباً عليل
وماني الا قطعة منه مخلوقً معه

لا جميل شفت قبله ولا بعده جميل
العذارا رهن رمشه وانا رهن اصبعه


والله انه لو طلبني اطلوع المستحيل
لا اطلعه منيه مناك يعني لا اطلعه

ماعلي من الملامه ولاهرج الهبيل
مشجع الرجال لا ثار غيره مشجعه

في عيون اللي عشقني ولا جاني هزيل
الله اللي حط عشقه بقلبي وزرعه

لو سكت ينطق له الصم والدنيا تسيل
وان حكى لو يمشي المزن ياقف يسمعه

سلسبيل من شفاته يخالط سلسبيل
معمعه بسكات واحلا سكات بمعمعه

ماهقيت ان اكثر الليل يمرح بالجديل
لين شفته شوف عيني بكفه يرفعه

وان حيت ومابقالي معه ياكود ليل
لأسهره بأول غروبه وموت بمطلعه

والله ان العشق جمره وطاحت بالشليل
وان حصل ماطاعك الوقت بحبابك طعه

من هو اللي علم عداي نكران الجميل
ومن هو اللي خان خلي وحاول يقنعه

كل عاذل ردني عنك يالطرف الكحيل
ياعسى الله يقلعه ياعسى الله يقلعه

يامعرض قلب الاحباب للدرب الطويل
السعه لا بارك الله بالضيق السعه

والله ان الوقت قاسي وانا ماني ذليل
واشهد ان الرجل مرات ظنه يخدعه

وانتم اتعذلون خفاق بعيون العديل
مارحمتم نار جرحه وحيرة مدمعه

والسوالف ليلها ليل والحايل يحيل
والمشاكل مشكله بمشكله متجمعه

مشكله لا خانك الوقت بالحمل الثقيل
لو زرعت الزرع هوج العواصف يشلعه

ومشكله لاصار عاذلك مايبرد غليل
لا ترده طيب كلمه ولحدً يمنعه

ومشكله لا صرت مطعون بكفوف الدخيل
في ظهرك اربع خناجر وبالصدر اربعه

,,,

,,,

بــربـ

,,,

عاشقـ القمرــة
عاشقـ القمرــة
05-07-09, 10:50 AM
الاسطوره

ماتــقبـلت الفراق ما ليدي فيه حــيله
آه لو ان الظروف المقبله تكشف قدرها

لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها

ما هقـيت الليله اللي جابت الفرقا طــويله
لين صارت ليلة امس بعيني اطول من شهرها

والعذاب اللي يذوب بـعين من يفقد خــليله
عندي اكبر من عذاب العين لو تفقد نظرها

والــحبيب اللي صدوده مثل مداته جزيــله
صد عني واعرفه لو صد عن حاجه هجرها

كن روحي يوم حست في جفاه وصعب نيــله
بشرتني بالضياع وشدة العزم لسفرها

مــا رحمها من هلاك وما تقبّلها دخيلـــه
تحتضر قدام عينه لين ماتت من قهرها

عاد ليت اللي ذبحها وارهب الموت بوسيلــه
ما دفن وجه الضحيه والسكاكين بنحرها

لــيت قلبه يوم سوى فعلته كمّل جميــله
لو غسلها من عروقه وبكفن صدره قبرها

من حـفر بضلوع قلبه حفرةٍ تكفي قــتيله
ليه ما يدفن قتيله بالضلوع اللي حفرها؟

اشــتكيته لـلرفوف وللبراويز الــهزيله
وانذعرت من النياح اللي سمعته في صورها

رحت اسولف للجبال الصم عن قصة رحيله
ما تركت متونها الا ينحت الدمع بصخرها

واحدٍ حقق جماله كذب اساطير الف لــيله
يسكن السبع البحور ويحبس الحور بدررها

الدروب بــكبرياها ترتجف تحته ذليــله
والورود اللي تقبّل خطوته تنبت بأثرها

والغصــون اليا بغاها تنثني لــه.تنثني له
والفياض ان حب ينثر عطرها يلمس زهرها

لو يصـوّت للغدير المنجرف جفــف سبيله
وان تبسّم للجبال الصامته نطّق حجرها

كل حاجه تستــوي له. لي بغاها تستوي له
بالنظر واستغفر الله لو بقول : انه سحرها

ذاك لو بس يتمنا فاكهة شجرة ضلـــيله
بس يفتح راحت ايده ويتساقط له ثمرها !

كـن ربي سخر له المعجزات المستحيــله
واصبح اسطوره وكل الالسنه تنقل خبرها

هان محجر دمع عيني لين جفّف سلسبيــله
والتفت لأخير دمعه قبّلت يده ونثرها

دمعةٍ كن بشقاها يوم طاحت في شلـــيله
جادلٍ جات بدويٍ تطلب الستر وسترها

له علي انه ليا من طاح من عيني تشـــيله
ولي عليه انه يرجّع لابتساماتي ثغرها

لو طعوني بالسكاكين بيده تشفي غلـــيله
لاشتريها من عذابي وادفع بدمي مهرها

واطلبه ينهال فيني طعــن لين يطيح حيله
بس لا يترك عيوني تنحرم نعمة بصرها

له بعيني مثل ما للطهر بــالنفس الاصيله
تقطع يدين الردا لو مس شعره من شعرها

مابغيته غير دربٍ شتّــت اقدام الــدليله
مزنةٍ ما بللتني واستحيت اطلب مطرها

والعطايا من يدين الخلــق للطالب قــليله
والوهايب من يد الله للعباد اجل وأرها

وان نسيت اني زرعت العشق وحظوظي بخيله
ما نسيت ان العطايا تستحق اللي شكرها

صعب تلقى شخص وافي يجزي الطيب بمثيله
والعرب كد قالت ان : الناس ما تترك قشرها

,,,
,,,
برب
,,,
عاشقـ القمرــة
عاشقـ القمرــة
05-07-09, 10:53 AM
غرام احباب

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبـت مسافـاتٍ توديـني

لقيت الليلة الجردا : هدب ظل وسما واعشاب
بعد ذاك الظـلام اللـي يتـوهني عنـاويني

صدفتك معجبه فيني وياليت..الغرام : اعجاب
وتراك انتي الـهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يـحترق قلـبه ولا يقـدر يحـاكيني

أنا قبلك صدفت عيون لكن ويش جاب لجاب؟
ترى كل العيـون اللـي لقتـني ما تكفـيني

رماني حظي العاثر عليك وجيت لك طـلاب
ولا أنتي اللي عشقتيني ولا انتي اللي عتـقتيني

تعالي واعتقي ذاك الخـفوق المـولع المرتاب
مهب لاجلي ، عشان الله يجازيك ويجـازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصـونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطـيق يهاب
أنا لك بالهوى والله مثـل ما انتي هقـيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطـيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيـع عيـوني الثنـتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفـزعه ولا تـهدى شيـاطيني

سؤالك لو يزعزع بي كياني ما قبلت عـتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصـديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركـتيني

أنا أول من عرف قدرك وأنا توي صغير وشاب
وابي منك ما دام أنك عرفتـيني تحـبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
عسى تنساني الدنـيا مادام أنتي ذكرتيني


,,,

,,,

بــربـ

,,,

عاشقـ القمرــة
عاشقـ القمرــة
05-07-09, 10:56 AM
الجريمه


يوم ثارت فــي جـنـون مـن جـنـون الجـاهليــه
عـاتـبـتـنـي ليـن شـبـت فـي شرايينـي لهـبهـا


واسـتـفزتنـي وفـزت وزعـلـت مـنــي عـلـيـه
وسـتـضاقت مـن كلامـي يـوم زعـلنـي عـتبـهـا


مـن بـعدهـا ما بـقـى لـي فــي مـحانـيهـا بقيـه
اسـدلــت دمــع المحاجـر للـبكـا ورخـت هـدبهـا


والله انــي مـانــويـت ابـدي معـاهـا بالخـطـيـه
بـس هــي اللـي تعـدت حدهـا لحـظـة غـضـبهـا


والله انــي كنـت اكابـر بالعـتـب بـحـسـن نـيـه
بـس ابدري هو صـحـيح اني الوحـيد اللـي عـجـبهـا


يـمـكـن اني كـنت قـاسـي بالعـتـب مـعهـا شويـة
كـثـر ما كـانت تـمنـى راحتـي واعـشـق تعـبهـا


جـرحـتـنــي بالكـلام وكبـرت حـيـل الـقضـيـة
واخـسرت بي كل عرق مـن شرايـينـي كـسـبـهــا


ولا هـــي مــاكـان فيـهـا للـمـوادع مـقـدريـة
والـجـفـا كانـت تـعـافـه بـس مـدري وش قلبـهـا


لـيـتـنـي مارحـت اقيـاس قـيـمتـي عـنـد بدويـة
رجـعــت لـي كـل عـرقـ حـبـهـا ولا نهبـهـا


وعـلـمـتـني كـيـف بالجفا وانـتصر وابقى ضـحـيه
وعـلـمـتنـي كـيف قـلـبي لو غـلبـها مـا غلـبهـا


وعـلمـتـنـي يـوم صــدت عـنـفـوان الاجـوديـة
مـاتـلــوح لـلـمقـفـي لو سـلـبهـا مـا سـلبهـا


رابـيـة بيـن الـقـبايـل والـعـرب واهـل الحـمـيـة
عـاقـلـه مـاتبـذر إلا نخـلـة تـعـرف رطـبـهـا


إن تــهــادت ذكرتـنـي فـي خـفـوق الـعامـريـه
وإن تـمـادت تركـب ابلـيـس الرجـيـم وماركـبـهـا


جـفـنـها لا سـلهـمت به مـا يطـليـق الـسامـريـة
تسـحـبه برضاه عـينه وان سـهت عـيـنه سـحـبهـا


وان حـكـت تـعطـي مـكانـه للـحـروف الابجـديـة
كــن كـلـمـتـهـا تلـفـت للـكـلام اللـي عـقبهـا


والـحـروف الـيـا تعـدت بالـشـفـاه الـنرجـسـيـة
كـنهـا صـارت قـصـيـدة بـس ربـي ماكتـبـهـا


وش بوصـف مـن حـلاهـا وش بـخـلـي للـبـريـة
مـابها بالـحسـن عـيـب واكـشـفتـه الا حـجـبهـا


شـعـرها فيـه الخـوي الـلـي تـبـرى مـن خـويـه
والـشـفا لو تـشرب الـما واخـتلـط فيـهـا شـربهـا


كـن فــي ضـمـة شـفاهـا جـمرتيـن بنـار حيـه
كـل مـن حـس بـدفاهـا وحـتـرق صــد وقربـهـا


شـفـتـها مـثل الجـريـمه وابـتلـيـت ابهـا بـليـه
غلطة ٍجـيت اتـحاشـى ظـلـمـهـا قلـت ارتـكـبهـا


كــل شـي شـفـت فيـها فـيـه نــبـره جاذبـيـه
موهـبـة مـن فـضـل ربي واشـهـد ان الله وهـبهـا


كـلــهـا لــلـه بـلـلـه فاتـنـه هــا لآدمـيــه
عـاجبـتـني مـن بدايـة راسهـا لا سـفـل كـعـبهـا


لــو تـبـادلـنـي شـعـوري والهـديـة بالـهـديـة
مـاوفت لي لـو تـبيـع ثـيابـهـا واغـلـى ذهـبـهـا


هـملـتـنـي والقلـوب الـجـرهــديـة جـرهـديـة
وحـرقتـنـي والـمحـبـه نارهـا تاكـل حـطـبـهـا


ولا انــا ماكنـت اكابـر واللـيـالـي الـسـرمـديـة
يـمكن ان اللي غـصـبـني للولع فيـهـا غـصـبـهـا


ياخـوفوقي وادري انـك مـنـت فـي حـاجـة وصيـة
شـف مـكاني وانت تدري ويـن هـي يـمـة عـربهـا



رح لـهـا وان كان فيـها قلـب يـطمـح فـي مـجيـه
شـف طلبهـا فـي عـروقـه وان حـصل تمـم طلبهـا


وانشـده وان قـال عـنهـا مـن هـدر دمــي بـريـه
قـلـه ان اللـي حـصـلي بالـمحـبـة مـن سـببـهـا


ولـو يـقـول انـي تـعمـدت الـخـطـا لجـل الأذيـة
قـلـه انـي ما تـحـمـل بالـعـتـب قـلـه ادبـهـا


ولـو يـقول انـي انـا اللي كـنـت بادي بالخـطـيـة
قل هـي اللـي تـعـدت حـدهـا لحـظـة غـضبـهـا الجريمه


يوم ثارت فــي جـنـون مـن جـنـون الجـاهليــه
عـاتـبـتـنـي ليـن شـبـت فـي شرايينـي لهـبهـا


واسـتـفزتنـي وفـزت وزعـلـت مـنــي عـلـيـه
وسـتـضاقت مـن كلامـي يـوم زعـلنـي عـتبـهـا


مـن بـعدهـا ما بـقـى لـي فــي مـحانـيهـا بقيـه
اسـدلــت دمــع المحاجـر للـبكـا ورخـت هـدبهـا


والله انــي مـانــويـت ابـدي معـاهـا بالخـطـيـه
بـس هــي اللـي تعـدت حدهـا لحـظـة غـضـبهـا


والله انــي كنـت اكابـر بالعـتـب بـحـسـن نـيـه
بـس ابدري هو صـحـيح اني الوحـيد اللـي عـجـبهـا


يـمـكـن اني كـنت قـاسـي بالعـتـب مـعهـا شويـة
كـثـر ما كـانت تـمنـى راحتـي واعـشـق تعـبهـا


جـرحـتـنــي بالكـلام وكبـرت حـيـل الـقضـيـة
واخـسرت بي كل عرق مـن شرايـينـي كـسـبـهــا


ولا هـــي مــاكـان فيـهـا للـمـوادع مـقـدريـة
والـجـفـا كانـت تـعـافـه بـس مـدري وش قلبـهـا


لـيـتـنـي مارحـت اقيـاس قـيـمتـي عـنـد بدويـة
رجـعــت لـي كـل عـرقـ حـبـهـا ولا نهبـهـا


وعـلـمـتـني كـيـف بالجفا وانـتصر وابقى ضـحـيه
وعـلـمـتنـي كـيف قـلـبي لو غـلبـها مـا غلـبهـا


وعـلمـتـنـي يـوم صــدت عـنـفـوان الاجـوديـة
مـاتـلــوح لـلـمقـفـي لو سـلـبهـا مـا سـلبهـا


رابـيـة بيـن الـقـبايـل والـعـرب واهـل الحـمـيـة
عـاقـلـه مـاتبـذر إلا نخـلـة تـعـرف رطـبـهـا


إن تــهــادت ذكرتـنـي فـي خـفـوق الـعامـريـه
وإن تـمـادت تركـب ابلـيـس الرجـيـم وماركـبـهـا


جـفـنـها لا سـلهـمت به مـا يطـليـق الـسامـريـة
تسـحـبه برضاه عـينه وان سـهت عـيـنه سـحـبهـا


وان حـكـت تـعطـي مـكانـه للـحـروف الابجـديـة
كــن كـلـمـتـهـا تلـفـت للـكـلام اللـي عـقبهـا


والـحـروف الـيـا تعـدت بالـشـفـاه الـنرجـسـيـة
كـنهـا صـارت قـصـيـدة بـس ربـي ماكتـبـهـا


وش بوصـف مـن حـلاهـا وش بـخـلـي للـبـريـة
مـابها بالـحسـن عـيـب واكـشـفتـه الا حـجـبهـا


شـعـرها فيـه الخـوي الـلـي تـبـرى مـن خـويـه
والـشـفا لو تـشرب الـما واخـتلـط فيـهـا شـربهـا


كـن فــي ضـمـة شـفاهـا جـمرتيـن بنـار حيـه
كـل مـن حـس بـدفاهـا وحـتـرق صــد وقربـهـا


شـفـتـها مـثل الجـريـمه وابـتلـيـت ابهـا بـليـه
غلطة ٍجـيت اتـحاشـى ظـلـمـهـا قلـت ارتـكـبهـا


كــل شـي شـفـت فيـها فـيـه نــبـره جاذبـيـه
موهـبـة مـن فـضـل ربي واشـهـد ان الله وهـبهـا


كـلــهـا لــلـه بـلـلـه فاتـنـه هــا لآدمـيــه
عـاجبـتـني مـن بدايـة راسهـا لا سـفـل كـعـبهـا


لــو تـبـادلـنـي شـعـوري والهـديـة بالـهـديـة
مـاوفت لي لـو تـبيـع ثـيابـهـا واغـلـى ذهـبـهـا


هـملـتـنـي والقلـوب الـجـرهــديـة جـرهـديـة
وحـرقتـنـي والـمحـبـه نارهـا تاكـل حـطـبـهـا


ولا انــا ماكنـت اكابـر واللـيـالـي الـسـرمـديـة
يـمكن ان اللي غـصـبـني للولع فيـهـا غـصـبـهـا


ياخـوفوقي وادري انـك مـنـت فـي حـاجـة وصيـة
شـف مـكاني وانت تدري ويـن هـي يـمـة عـربهـا



رح لـهـا وان كان فيـها قلـب يـطمـح فـي مـجيـه
شـف طلبهـا فـي عـروقـه وان حـصل تمـم طلبهـا


وانشـده وان قـال عـنهـا مـن هـدر دمــي بـريـه
قـلـه ان اللـي حـصـلي بالـمحـبـة مـن سـببـهـا


ولـو يـقـول انـي تـعمـدت الـخـطـا لجـل الأذيـة
قـلـه انـي ما تـحـمـل بالـعـتـب قـلـه ادبـهـا


ولـو يـقول انـي انـا اللي كـنـت بادي بالخـطـيـة
قل هـي اللـي تـعـدت حـدهـا لحـظـة غـضبـهـا

,,,
,,,
برب
,,,
عاشقـ القمرــة
عاشقـ القمرــة
05-07-09, 10:58 AM
الشعراء


مــابــقــى الاســـــود الايـــــام تــحــرمـــك الـــرقـــاد
كــيـــف الاوهـــــام اتـــجـــرأ اتــســريـــك مــغــبـــون

مــن مـتــى تـجــزع مــن الـدمــع وتـخــاف الـبــعــاد؟
مـن مـتـى تـقـفــي بــك ظـنــون وتـجـيـبــك ظـنــون؟

صــرت تــاخــذ كـذبــتــي صـــدق، ومــزاحــي وكـــاد
لــو بـقــول انــي بـخـونــك تـحــســب انـــي بــخــون

مــاتــعــرف ان كــــل شــاعـــر يــهــيــم بــكـــل واد؟
وانـــهـــم دايـــــم يــقــولـــون مــــــالا يــفــعــلـــون؟

ابــــك انــــا لاقــلـــت ابــنــســاك وانــكـــرت الــــوداد
والله انـــــي مـانــســيــتــك وولاهــــــم يــحـــزنـــون

مـن جـزع مـن صـفـعـة الـشـمــس يـطـمــع بـالـبــراد
مـن فـقـد وجـهـاتــه الـخـمــس يـلـقــى بــك ركــون

اعـتــبــرهــا هـــفـــوة انـــســـان او كـــبـــوة جواد
لــو بـتـسـمــح فـانــت غـالــي ولـــو تــجــرح تــمــون

عـــــد صـــداتـــك مــــــروة وطــعــنــاتـــك ضـــمــــاد
خــلـــهـــن لاراحــــــن طـــعــــون ولا ردن طـــعــــون

خـنـجــرك يـسـتــاهــل الـطــعــن ومـتــونــي شـــداد
ومــنــك يــازيــن الـخـنــاجــر ويـــا بــخــت الــمــتــون

ردلــــي حــنــيــة الــمـــزح بــاحــســاس الــجــمـــاد
خــلـنــا واحـــد يــجــي صــلــب والــثــانــي حــنـــون

مـــوت فـيــنــي وانــدفــن فــيــك بــثــيــاب الــحـــداد
وان حـيــيــت أمـــوت لــرضــاك واحــيــا بـــك بــهــون

مـــره ارقـــد بـالــكــفــن وانــــت تــرقـــد بـالــمــهــاد
ومـــرة ارقـــد بـالـمــهــاد وانـــت تــرقــد بـالــكــفــون

ادري ان شــجــونــك شــجـــون واعـــنـــادك عـــنـــاد
والــبــلا ان عــنــادك عــنــاد وشــجــونــك شــجـــون

ربـــك الــلــي ســخــرك لـــي تــقـــود ومــــا تــقـــاد
والله الــخــالــق ولـــلـــه فـــــي خــلــقـــه شـــــؤون

ازرع ضـلــوعــي مـــن رضـــاك وابــشــر بـالــحــصــاد
لـعـنــبــو مـــن جــيــت تــرضــيــه وتــــرد امــحـــزون

بـــس تـســوالــك بــلــد ؟ قــــول تــســوالــك بــــلاد
انــــت كــــل الــعــالــم بــكـــون ولــحــالــك بــكـــون

مــابــعـــد مــحــبــتـــك حــــــب ومــــــرادك مــــــراد
غـيــر كـونــك سـيــد حـشــاي تــدري مــن تـكــون ؟

نـعـمـتـيــن اخـتـصــوا الـخــلــق مـــن جـــود الــجــواد
كــافـــل الأرزاق مــــن حـــيـــث مـــــالا تــعــلــمــون

الــبــنــون ونــعــمـــة الـــمـــال بــعــيـــون الــعــبـــاد
زيــنــة الـدنــيــا بـــلا شـــك فــــي كــــل الــعــيــون

مــثــل زيــنــة دنـيــتــي بـــس عــنـــدي شــــي زاد
مـــن عـرفــتــك صـــاروا الــمـــال وانــــت والــبــنــون

انـتـشــي بـــك نــشــوة الـتــيــه لـعــنــاق الــرشــاد
وافـــزع الـــك فــزعــة الــقــرم لــشــهــاق الــزبـــون

واحـصــنــك تـحـصــيــن الأرزاق عـــن درب الـفــســاد
واعـشـقـك عـشـق الـمـظـالـيــم لـفــراق الـسـجــون

لـــو تــزيــد الــشـــوق جــمـــرة تـحــولــنــي رمــــاد
لـــو يــزيــد الـعــشــق شــعــرة بــوصــل لـلـجــنــون

خـــــل هــقــواتـــك كــبــيـــرة ونــظــراتـــك بـــعــــاد
كـانـك انـت بـكـبـرك تـهـون مــن الـلــي مــا يـهــون ؟

ازعــلــك وارهـــن حـيــاتــي تــحــت رحــمـــة زنــــاد
تــهــبـــى لا والله الا انــــــت والـــمــــوت تــهـــبـــون

عــاد اذا مــا ارضــاك هـرجــي ولا الـلــي قـلــت فـــاد
انــــنــــا لــــلــــه وانــــــــا الــــيـــــه راجــــعـــــون...

وانــــت بــاكـــر بــتــعــرف عــلـــى نـــــاس جـــــداد
والـكــلام بيـجــيــك مـــن كـــل شــكــل وكـــل لـــون

لاتـحــســب ان كـــل كـلــمــة بـتـسـمـعــهــا وكــــاد
ولا تــصــدق هـــرج شــاعــر وتـخــدعــك الــظــنــون

دايــــم اعــــرف كــــل شــاعـــر يــهــيــم بــكـــل واد
وان هـــــم دايـــــم يــقــولـــون مـــــا لا يــفــعــلـــون

حـتـى انـا الـلـي قـلـت اعـشـقـك ومـا اطـيـق الـبـعـاد
يـمـكـن اطـلـع مـاعـشـقـتــك ..... ولا هــم يـحـزنــون

,,,

,,,

بــربـ

,,,

عاشقـ القمرــة
عاشقـ القمرــة
05-07-09, 11:01 AM
من تحت لي تحت


لو تعرف الخطايا كيف كنت محروم
كان سود الليالي يـوم طحـت سمحـت

لو هموم المفارق مثل كـل الهمـوم
ماتشوفـون عينـي بالدمـوع سبحـت

ولو تحن المشاكل عقب حب الخشوم
كان حبيت خشـم المشكلـه واستحـت

بين صـدة عزيـز وكبريـاء مهزوم
عيـن شحـت علـى وعيـنٍ استسمحـت

بس مالله خلقني من بكـاي معصوم
وادري انه المحاجر لو تفيـض افضحـت

والله اني على جرحي صبـور وكتوم
لكن ان الدمـوع ان روحـت روحـت

اعذلـتني ظـروفي وانهكـتني عزوم
والوجيه احزنت لـي والقـلوب افرحـت

اشهد ان الليالي ماتعـرف السلـوم
قلب جافـي لقـاه ووجـه صافـي بحـت

راهنتنـي تبلـل بالدمـوع الكمـوم
ويشهـد الله عليهـا راهنـت واربحـت

احرمت نور عيني من غلا ريم قـوم
بـذرةٍ وارتوتنـي واثمـرت واطرحـت

جادلٍ دوم ماهـي مـثلها كـل يوم
استضاحت غمـوض وبالغمـوض اوضحـت

دورت بين قلبي والهـدب درب نوم
وامرحت ويـن مـدري المهـم امرحـت

تنحت اسمي بقلبٍ جيت فيه معزوم
واسمها بيـن جلـدي والعظـام انحـت

مثل جفني لعيني بالنعـاس محـكوم
كل مانمت نامـت كـل ماصحـى صحـت

ماتعارض كلامي غير عند اللـزوم
بس لا قمت اسولف واندمجـت سرحـت

دايم ازعل عليها بس قلبي رحـوم
وهي تموت بعذابي من تحـت لـي تحـت

مثل وجه العلاقه في ثياب الخصوم
ان تطيبت طابت وان جرحت اجرحـت

خصها الله بوصفٍ من خيال معدوم
لا اذان اسمعتبـه ولاعيـون المحـت

كن ربي خلقها من بياض الغـيوم
ومـن كفـوف السحابـه بالـورد القحـت

عن سواها فرقها بالقمر والنجـوم
وكـل عـذرى تباهـا بالجمـال انزحـت

بالحلا هي كوم وباقـي النـاس كوم
كفـتٍ عادلوهـا بالبشـر وارجحـت

حسبي الله على اللي مابغـاها تدوم
من بعد كيف كانت شوف كيـف اصبحـت

لاتحقـق وصـال ولا فـراق محتـوم
خطـةٍ قربتنـي للفشـل وانجحـت

لعنة العشق تبقى مثل ضرب السهوم
لو محى الوقت جرحه صورته ما انمحت

كيف ابنسى وانا اللي من جفاف لسموم
ماحشمت العيون ولا الدمـوع فلحـت

كانهـا بالـحميا كـل ربعـي قـروم
لـو يلـدون لاصعـاب الظـروف صلحـت

اجزم ان كنت ياقلبي شجاع وجـزوم
لـد لعيـون بنـتٍ لا التفـت الفحـت

ماتهين البخيـل الا يديـن الخـدوم
دام كـف الخطايـا بالجفـا لوحـت

نطح الباس باس ونطح اللـوم لـوم
وان تهـدت تهـد وصيـح ان صيحـت

ياتعيـش بمعـزه ياتمـوت محشـوم
ودك ان الليالـي لافعلـت امـدحـت

عمر ضعف الاراده مايسر الرخوم
ضربت السيف لوبيديـن الشجـاع ذبحـت

,,,
,,,
برب
,,,
عاشقـ القمرــة
عاشقـ القمرــة
27-12-09, 03:28 PM
قدها وقدود


أنا ربتني الدنيا على جزل العطا والجود
ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

ولا تثّر بي البسمة ولا كحل العيون السود
ولا يقوى على قلبي صغير الحسد وأجسامه

أردّ الجود بأمثاله وأقابل بالجحود جحود
وترى لا خير في رجلٍ يوطّي للردى هامه

وعندي مع أهل العِليا مواثيق وثلاث عهود
أوفي له مطاليبه وأودّه وأرفع أعلامه

أعايش مركب الدنيا على متن القدر مولود
أبعرف هو صحيح إنّ القدر بالناس دوّامه ؟

ومن وين الزمن مقبل وإلى وين الليال تقود
ومن في هالزمن يقدر يوجّه خطوة أقدامه

ومن له بالزمن غاية ومن عنده هدف منشود
ومن منّا قدر يعرف خفايا مقبل أيامه ؟

عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسوأ أحكامه

لقينا بالعرب حاسد وشفنا بالعرب محسود
وبه ناسٍ لنا ضامت ، وبه بالناس منظامه

وينقص بعضنا خوّه وينقصنا وفاء وعود
مدام الحسد باقي وبعض الناس نمامه

ولا ترجى بها الدنيا من ربوعك يجيك اسنود
ولا تشره على رجلٍ عيونه خانت أقدامه

وقابل خطوة بخطوة وجازي بالصدود صدود
تناسى غلطة الصاحب عليك بلحظة اخصامه

ولا تخطي ترى لصبر الحليم اليا سلاك حدود
تروّى واعرف بضرب الحديد تفكك لحامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه

ولا تزعل على رجلٍ بذل لك ولرضاك جهود
ولا تامن من الحاسد رضاه ورفعة ابهامه

نبي نصبر على الدنيا قلوبٍ بالحياة زهود
مدام إنّ البخت عيّت توّفق رمعة سهامه

وأنا ما قلتها راجي ولا أطلب بعدها مردود
ولكن الفتى ودّه يحقق جملة أحلامه

وبمشي لآخر الدنيا ولو كلّ الأنام اقعود
وعن وجه الزمن بكشف حقيقه وأرفع الثامه

صحيح إني صغير السن ولكن قدها وقدود
وأنا عندي مع الدنيا مواقف ترفع الهامه

طموحي يملي العالم ولابه للطموح قيود
مدام إن الأمل طبعي ( عرين وصرت ضرغامه )

خلقنا الله من ترابه ولأحضان التراب نعود
تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود
ولا يبقي من الميت سوى ذكراه وعظامه

ولو طال العمر فاني وترى عمر الفتى محدود
وكلٍ يطلب المولى يبيحه يحسن ختامه

وأنا بلّغت بلساني وربي والأنام شهود
وصحف البيّنة جفّت وعنها رفعت أقلامه

,,,

,,,

بــربـ

,,,

عاشقـ القمرــة
عاشقـ القمرــة
27-12-09, 03:31 PM
قصيدهـ * اهل الجنوووب *


http://www.youtube.com/watch?v=fPAjuJ7bWaA&feature=player_embed ded


ابدآآآآآآآع
,,,
,,,
برب
,,,
عاشقـ القمرــة
عاشقـ القمرــة
28-12-09, 02:33 PM
خطاكـ السوو

لأن الدمع ما يسخي عطاه إلا على الأحباب
ترى ما للهدب دمع صدوق إلا مع أحبابه

ومدام أن الدموع أصدق تعابير الحزن بأهداب
حرام أن الدموع تجف طليلة فترة غيابه

هذاك اللي شعل شمعة ضوت كل الدروب وذاب
فقد رمل الوطن دوسة قدمه وعطر ترحابه

فقده من الثرى ضيق وتراحيب وسهل وهضاب
فقده من الوطن حتى عذوبة ماه واعشابه

يغيبه المرض عنا وكنه بيننا ما غاب
بعيد وشعبه الوافي عليه أقرب من ثيابه

سكن باهدابنا حتى يلامس رعشة الأعصاب
فرش بدروبنا قلبه ولف الشعب بأهدابه

تضيق ابنا الدروب ونرتجي في وجهه الترحاب
حشا كن الشوارع ماتمر إلا على بابه

من أول ما حكم وأسس ومسس للثبات أطناب
سجد قلبه على ملة رسول الله وكتابه

غرس فينا الوفا نبته مثل ماتنبت الأعشاب
وقال إن الثرى له حق نشقى له ونشقى به

وطن ما به وطن غيرهولا غير التراب تراب
مادام الله خلق دون البلاد سباع وذيابه

عرفت أنه يهاب أنه يهاب وما يعرف يهاب
يحفظ الدار يوم الجار ثار وكشر انيابه

وقف للعالم بأسره وقوف الفاقد الطلاب
خطب خطبة شجاع وفزز التأييد بخطابه

عتق دمعة فرح تلبس لميعاد الرجوع ثياب
حشا كن الدموع تعرف علم الغيب واسبابه

خطاك السو وعيون الحسود وهرجة الكذاب
وتعدتك المنايا يا ظلال الشعب وحجابه

فبعدك يا طويل العمر يبقون القراب أغراب
وترى يا شيخ ما كل القلوب البيض تتشابه

يقولون الغلا واحد وأنا قايل: شجاب لجاب؟
هذاك الشيخ جابر غيرذاك الشيخه أولى به

هذاك اللي فقد لذة منامه لأصغر الأسباب
هذاك يموت ما خيب هقاوي من تهقوا به

هذاك إن لد للعذرا تغطرف له ولع وإعجاب
هذاك اللي أسر عشق القلوب بطرف سبابه

هذاك اللي من أفعاله عجز في مثله الا نجاب
كأن الله منع بعده يجي شخص يتحلى به

هو اللي شتت جموع الضياع ولف الأحزاب
هو اللي جفف دموع اليتيم ويتم صوابه

هو أول من حما شعبه من طعون الزمن وأ نصاب
هو اول من نذر نفسه يرد الحق لاصحابه

كأن الله خلق بينه وبين المستحيل أحجاب
فلا يعرف محال إلا يكون أسهل من صعابه

أبو مبارك تطامن له خشوم وتفتديه رقاب
عريب إن ما زها بالمجد كان المجد يزهابه

ودام الله خلق فينا جماعات وأمم وأنساب
أبي هو بالجود انساب خلق أكرم من أنسابه؟

تحلى بالصبر يا شعبلا تحزن ولا ترتاب
ترى شعب الكويت أكبر من ان الشك ينتابه

وعساكم أن تحبوا شيء كرها يا ألو الألباب
وعسى أن تكرهوا شيء وهو خير لطلابه

نبي نصبر على كربه ولو أن الصبر غلاب
عزانا للبلاد أنه بيحيا له ويحيا به

ومثل ما قد سجد بأرضه لوجه الباري التواب
بعون الله بيرجع له وبيسجد على ترابه

وتطير من الفرح بسم السلام من الحمام أسراب
بعدها تكتمل فرحة رجوع الشيخ الأحبابه

وعسى رب السما يفتح لدعوات القلوب أبواب
وتكون أصدق دعاوى شعبه ملباه ومجابه

ولأن الدمع ما يسخي عطاه إلا على الأحباب
حرام أن الدموع تجف طليلة فترة غيابه

,,,

,,,

بــربـ

,,,

عاشقـ القمرــة
عاشقـ القمرــة
28-12-09, 02:36 PM
نااار وباااروود

حنا اليامنا وعدنا وفينا
واليا عطينا نعرف الجود ونجود

وما نذبح البسمه ليا من حكينا
وما نفرض الغلطة على البيض والسود

من طبعنا لا من عطينا عطينا
جود من الموجود والجود موجود

بعنا المذلة للضعيف وشرينا
عزة نفوس وجد واخلاص وعهود

نضرب خطانا بالعصا لاخطينا
حتى ولوكان الخطا غير مقصود

ومانزعل اصحاب الجمايل علينا
هذا وحنا نجزي الجود بالجود

يكبر غضبنا لاتعزوي حدينا
نرضيه لو نبذل على ارضاه مجهود

واليا انتخن الم***ات اعتزينا
نفزع ولا نرضى على البنت منقود

نزعل ونغضب وان زعلنا نوينا
كن الهدب والعين نار وبارود

نرضى نموت ومدنا في يدينا
ولانعيش بمجد ضايع ومفقود

نعم خضعنا روسنا وانحنينا
لله ولا غيره مع الناس معبود

مثل الغصون اليا انثنت انثنينا
وقلوبنا خشاع ركاع وسجود

نتبع ونأمن وبالرسل واقتدينا
بمحمد وعيسى وموسى وداود

خفنا من اسباب الضياع ان قرينا
باهل الجحيم وقصة اصحاب الاخدود

نمشي على كف التراب وروينا
من قلب مزن مرعد يرعد ارعود

يكفي فخرنا بأصلنا لا انتخينا
حنا عرب من واقع جدود لجدود

ماقد تعلمنا الخطا واعتدينا
ولا قف في صفنا شخص مضهود

الصبر فينا مبتلي وابتلينا
نصبر ولا نرجي من الوقت مردود

لو يشكي منا التعب ماشكينا
ولا تخلفنا ولا نخلف وعود

حنا ليا منا وعدنا وفينا
واليا نوينا قد الافعال وقدود

غير القلوب الخاشعة مارجينا
والدمعه اللي تجرح اوجان وخدود

لا الكره قايدنا ولا الحقد فينا
ماحنا من اللي يجزي الطيب بجحود

هذي عوايد طبعنا واكتفينا
الله خلقنا ازهود ونفني له ازهود

اقولها والله وكيل علينا
بسم العلم لاصار عالي ومرصود

اقولها اقولها وانتهينا
حنا الكويت قيادة وشعب وجنود

,,,
,,,
برب
,,,
عاشقـ القمرــة
عاشقـ القمرــة
05-02-10, 04:16 PM
المبـاني

جابك الله من غياب ٍ ضيّـق صـدور المبانـي
قبل لا الوحشه تزعزع بيتك الصلـب وتبيـده


بيتك اللي من رحلـت وكـل جدرانـه تعانـي
ماتحمـل ينتظـر شهريـن وعيونـك بعيـده


الله العالـم لـو إنـك جيـت متأخـر ثوانـي
ماتشوف إلا بقايا مـن حصـاه ومـن حديـده


من عرفتك وأنت تايه من مواني لـي موانـي
وتارك ٍ قلبي مولّع مـن وقيـده فـي وقيـده


ضاعـت سنينـي أحـد بهاليالـي وتحدانـي
وأنت ماتشبع غياب ولاتخـاف مـن النقيـده


ودي أتحمـد لـك الله بالسلامـه , مامدانـي
كل ماتوصـل برحلـه ترجـع برحلـه جديـده


دام تدري كل وجـه ٍ غيـر وجـه الله فانـي
ياخي أكسبلك ثواب وخاف ربـك فـي عبيـده


كان فيني عيـب قلي:فينـي العيـب الفلانـي
كان هرجي مزعلـك فـي شـي قلي:لاتعيـده


عيب تصغر في عيوني وأنت برقاب الغوانـي
كيف تستسهل طعوني وأنت خابرنـي وليـده ؟


لعنبوك أن مت بيدك من يفكك مـن أخوانـي ؟
لحزنوا ربعي على فرقاي شاللـي تستفيـده ؟


أنت منت اللي عشقته أنت أكيد انسـان ثانـي
ليه صرت بهالبرود وبهالاحاسيـس البليـده ؟


وين حبك للزعـل .ويـن العنـاد الأولانـي ؟
وين حنّية زمـان وفرحـة العمـر الرغيـده ؟


وين ذاك اللي اليا أقبل مايبـات إلا بمااانـي ؟
وين راح اللي اليا أقفى مايـروح ألا فقيـده ؟


واحد ٍ من جابه الله بـس يااامـر ويعصااانـي
الوحيد اللي أخافه غصب وأمشي معـه سيـده


(مابغيت أطيـح بيـده) ليـن ماربـي بلانـي
ولا أنا لو هي بكيفي (مابغيـت أطيـح بيـده)


قبل أشوفه أجمع اله أحلى القصايـد والمعانـي
وأن لقيته ماعرفت أقـول لـي جملـه مفيـده


الف مره قبلـه أعـد القصيـده مـن لسانـي
ولعنبوه أن جيت عنده قمت أخربط بالقصيـده


أمدحه وأنا أدري أنـه لـو تباطانـي نسانـي
أنطحه وانا أعرفه مجنـون وأفكـاره عنيـده


من يسوي بي سواتك يالرهيف الاسمرانـي ؟
منهو من الناس غيرك غلطته ترفع رصيـده ؟


من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟


ان تبعتك .أتبعك من طيبـي وواسـع بطانـي
ولا أنا لاجيـت أكيـد انسـان عـزالله بكيـده


أقدر أنزع لك ثيابـي وألبـس ثيـاب الأنانـي
وأقدر أطلع من عذابي والعب بدورك وأجيـده


ومستعد أكسب رهاني لو بغيت أكسب رهانـي
وأخدعك بحساس كاذب وأتحدى مـن يصيـده


أبك أنا لي شفت خلّي حط غيري فـي مكانـي
والله إني لتركه وأن صد لعشـق سيـد سيـده


جيت مابيك تحقرني جيت أبيـك تعـز شانـي
جيت أبي فزعة ظلوعك من مشاعرك البليـده


خلني داخل (حدودك) وأجبـر بخاطـر زمانـي
أكذب بباقي (وعودك) وأصدق بلحظـه سعيـده


أنتشلني من (بـرودك) لـو تولّـع بالمحانـي
عطني أحساس (بوجودك) وأخذ كل اللي تريـد


((تكفى واليا قلت :تكفى بيع خلق الله عشاني))
لاتضيّع من يدينـي فرصـة العمـر الوحيـده


يعلم الله شفت منـك ومـن غيابـك ماكفانـي
كان ماتقـدر تخفـف هـم قلبـي !! لاتزيـده


شف غيابك وش يسوي بالصـدور وبالمبانـي
وأنت تدري كيف كانت صدمت غيابك شديـده


والله أنك لو وصلـت البيـت متأخـر ثوانـي
مالقيت إلا بقايـا مـن حصـاه ومـن حديـده


,,,

,,,

بــربـ

,,,

عاشقـ القمرــة
عاشقـ القمرــة
05-02-10, 04:22 PM
قصة حيـاة

جتني ظـروف للكـدر مستعـده
قامت تحدد لي الاحـزان ميعـاد


مرة مع حظـي ومـرات ضـده
واليا تكدر خاطـر القلـب تـزداد


في دنية خلقت على النـاس نـده
مردودها للخير تجـرح واجهـاد


إتجي على المظلوم وتبيـح سـده
واتجي على الظالم تساهيل وامداد


والصدق فيها ما لقى مـن يعـده
والكذب يلقى له مع الناس شهـاد


واللي فقد حـق عجـز يستـرده
يصبح على تسديدة الدين معتـاد


ومسكين من راد الزمن يستبـده
عيت عليه اقـدار الايـام تنقـاد


تطرح به الدنيا على القـاع مـده
مثل الفريسة والمقاديـر صيـاد


ضاعت حياته في لحاف ومخـده
عدت عليه ايـام بغفـول ورقـاد


وماله عن دروب الوعر من يصده
ولا هو عن دروب السلامات نشاد


تلطمه مو جات القدر فوق خـده
وتخطي به الخطوة من بلاد لبـلاد


حبله قريـب وعاجـز لا يشـده
يحسب جميع الناس قاصين وبعاد


عاند حياتـه لـو حياتـه تحـده
وادى سنينه كلهـا عنـاد بعنـاد


إصحى من الغفلة ترى العمر حده
للوقت سجاتـه وللمـوت ميعـاد


وهذي هي الدنيا تجـي مستجـده
تلقا بها المازح وتلقا بها الجـاد


قصـة حيـاة ومننـا مستمـدة
ويلزمها تنفيذ وإخـراج وإعـداد


عشنا على كف القدر فـوق يـده
الله خلقنا عباد ونفني لـه عبـاد


ولا حاصـل للحـي ماكـان وده
ولا حاصل للي يموتـون ميـلاد


ويكفيني اني من ظلـوه المـوده
ومالي مع الخسران بالدين مقعاد


وإن جتني الغفلة علي اوقات شدة
اصبح لها صداد والقلـب صـداد


وتقدير ربـي مالنـا فـي مـرده
ومعارض لتقديره إشراك والحـاد

,,,
,,,
برب
,,,
عاشقـ القمرــة
BoUnTy HunTeR
05-02-10, 11:50 PM
حامد زيد شاعر مميز وكبير ويستحق الاحترام



مجهود رااااااائع عشوقة ،، تسلم اياديــــــــــك



تحياتي
عاشقـ القمرــة
06-02-10, 03:20 PM
بـاونتي

ربي يسلمك يالغـالي

آنتـ الآروووع

**************


حد علمي


حد علمي بالغلا يوم كنت أسـوى كثيـر
يوم كانت ضحكتي طبع وعنـادي سمـه


وحد علمي (http://vb.alsultaan.com/194734.html)بالغلا يـوم خفاقـي ضريـر
قبل أهدم العشق وأبنيه وأرجع وهدمـه


وحد علمي (http://vb.alsultaan.com/194734.html)بالبكاء يوم لي قلب وضميـر
قبل أشوف المسلم يموت بيد المسلمـه


إيه عدّت من يدي بـس ماعـدّت بخيـر
ليلـةٍ عيّـت تجينـي وجتنـي مظلمـه


من عرفت إحساسها كن في قلبي نذيـر
والنهار المكتئـب بايـن ٍ مـن مقدمـه


ليلـةٍ حسيتهـا لاتـجـور ولاتجـيـر
مثل طفل ٍ ماحقرتـه وعيّـت إحشمـه


وأصبحت مثل شعره وأقصمت ظهر البعير
وأبتدى في موته الجرح من حيث إختمه


صارلي بالعشق مالا هقيت أنـه يصيـر
أنظلمت بعشرت أنسان ماكنـت إظلمـه


العشير اللي تبرى من ضلـوع العشيـر
الحلا عـزّز خطايـاه والحـظ إخدمـه


لاتبسّم يكسـر النـور بعيـون البصيـر
وكن شمس المغربيـه تبـات إبمبسمـه


معتدل في قامتـه لاطويـل ولا قصيـر
ممتلي بالزين من معصمه لي معصمـه


فيه بلوان الهدب لون غير ولـون غيـر
مثل ما للرمش بالعيـن قصـه مبهمـه


كنها نكس البيارق علـى شـط وغديـر
ومثل لملمت الشتات بشتـات اللملمـه


مع سـواد مجـدّل ٍ مايثـور إلا يثيـر
كنه اللـي ينهـم الريـح ثـم ٍ تنهمـه


ماتجمع لين قيّـد حريـر ٍ مـع حريـر
في ضلام ٍ علّـم الليـل مالـم يعلمـه


ماهقيت إن الهدب صلف وأجفانه تغيـر
لين سلهم لعنبوا جـد ذيـك السلّهمـه


ماعتقني لين سـاق البشايـر للبشيـر
يوم صد وجاه قلبـي بشحمـه ولحمـه


والله إنه حط قلبي تحت رحمـت شطيـر
في يديه وكـل مـاراد يقسمـه قسمـه


ياعساني ماعدم إرضاه في برد وهجيـر
ولوعدمت مروّتـه ياعسانـي معدمـه


إن طلب عيني رضا قلت ماغيره نظيـر
وأنشرب دمي غضب قلت يستاهل فمـه


واهنيّـه يرقـد الليـل مرقـاد الغريـر
كن نومه لابغى يهـزم الجفـن إهزمـه


وإلنا من صفرة عصير الى صفرة عصير
والسّهـر يايلـزم العيـن وإلا تلزمـه


لو صحيح إن الحبيبين يجمعـه مصيـر
كان نفس اللي حرمني من النوم إحرمـه


والله إن مروّتـي ولّعـت فينـي سعيـر
يوم شفته تـل قلبـي وداسـه بقدمـه


مارحم زهرة شبابي وأنا تـوّي صغيـر
لين ضيّق خاطـري ضيّـق الله إنسمـه


إيه عدّت من يدي بـس ماعـدّت بخيـر
ليلةٍ عيّت تجـي بـس جتنـي مضلمـه


حد علمي (http://vb.alsultaan.com/194734.html)في عناها عـذاب وزمهريـر
يوم قمت أوحي بالاضلاع صوت وهمهمه


وحد علمي (http://vb.alsultaan.com/194734.html)بالرجا من نصير اليا نصيـر
يوم شفت النّفس تذبح وهي مستسلمـه


وحد علمي (http://vb.alsultaan.com/194734.html)بالبكا يوم لي قلب وضميـر
قبل أشوف المسلم يموت بيد المسلمـه

,,,

,,,

بــربـ

,,,

عاشقـ القمرــة