مفترق الطرق ماجده الرومي

[سيرين]

http://smt1.jeeran.com/majda-aroumi006.jpg


كلمات العبقري صلاح جاهين

الحان كمال الطويل


ساعات.. أقوم الصبح قلبي حزين
أطل برا الباب .. ياخدني الحنين
اللي اشتريتو انباع
واللي لاقيتو ضاع
وفات الأنين.
وأرجع وأقول.. أرجع وأقول
لسه الطيور بتحن
والنحلات بتطن
والطفل يضحك ويرن
مع إن.. مش كل البشر فرحانين


حبيبي سكر مر طعم الهوى
فرَّق ما بيننا البين ماعدناش سوا
حرام عليك ياعذاب
نبقى كده أغراب
ده البعد والله جرح من غير دوا
وأرجع وأقول.. أرجع وأقول
لسه الطيور بتحن
والنحلات بتطن
والطفل يضحك ويرن
مع إن.. مش كل البشر فرحانين


أدي اللي كان .. وأدي القدر .. وأدي المصير
نودع الماضي.. وحلمه الكبير
نودع الأفراح.. نودع الأشباح
راح اللي راح ما عادش فاضل كثير
إيه العمل دلوقتي ده يا صديق
غير إننا عند افتراق الطريق
نبصّ قدامنا .. على شمس أحلامنا
نلقاها بتشق السحاب الغميق
وأرجع وأقول.. أرجع وأقول
لسه الطيور بتحن
والنحلات بتطن
والطفل يضحك ويرن
مع إن.. مش كل البشر فرحانين.


الرائعه ماجده الرومي

من فيلم الابن الضال للمخرج العبقري يوسف شاهين